RONSEL

ESTAMOS ... DE REFORMAS

2009-04-30T14:11:00.005+02:00

Tras comezar as obras a finais de marzo, estimamos que o tempo que nos leve volver a poñer a andar o obradoiro non será máis alá do verán. Son moitos os arranxos e ocupacións que obrigan a ter parada a actividade durante estes meses.
Os alumnos terán noticias de Ronsel no mes de agosto, para que os interesados poidan voltar ás clases de pintura do novo curso en setembro.
Grazas pola vosa comprensión e apoio. Un saúdo.

ESCOLA DE LA HAYA

2009-03-14T17:24:00.004+01:00

Tra-la primeira semana aberta, o público ríndese ante a beleza pictórica das pezas maestras de esta escola holandesa do século XIX, con máis de 5.000 visitas. Titulada “La escuela de La Haya. Obras maestras del Rijksmuseum”, a mostra foi inaugurada o xoves 12 de febreiro no Centro Social Caixanova de Vigo e a asistencia rexistrada durante esa primeira xornada, que superou as 500 persoas, auguraba o grande éxito dunha exposición que, pola súa calidade e beleza, xerou unha grande expectación. Obras de gran beleza pictórica de Mauve, primeiro mestre de Van Gogh; Gabriels, referente indiscutible de Mondrian; Jozef Isräels, o Millet francés; Roelofs ou Jacob Maris, entre outros autores de referencia da Escola de La Haya, superan as expectativas do público asistente, que se rinde ante a derradeira escola de paisaxe do XIX, con 74 obras magníficas pertencentes á institución museística máis importante de Holanda e unha das máis prestixiosas do mundo, o Rijksmuseum de Ámsterdam. A exposición permanecerá aberta ao público, con aceso libre e gratuito, ata o 12 de abril, no Centro Social Caixanova de Vigo (c/Policarpo Sanz, 26).

UN... ATA LOGO

2009-02-28T12:48:00.003+01:00

O obradoiro Ronsel pecha por un tempo. Non se precisa ata cando, pero pronto teredes novas del. Os alumnos están informados e os interesados en apuntarse ás clases poden seguir poñéndose en contacto con nós polo enderezo electrónico.

PELIQUEIRO DE LAZA

2009-01-31T20:30:00.005+01:00

Sobre fondo oscuro, coroado por reixas oxidadas, sae á troula o peliqueiro de Laza. Celebrando as próximas festas do entroido galego, o personaxe podería ser tamén o cigarrón de Verín ou a pantalla de Xinzo. A nosa alumna máis veterana, Isabel, apostou por un tema complicado, moi laborioso e de técnica hiperrealista, que non podía deixar nada á invención ou improvisación.
Foi un traballo duro e largo no tempo. Houbo que buscar a precisión e perfección dos detalles, algúns tan insignificantes como os imperdibles que suxeitan a faixa a eses flecos en movemento. As cores dos lazos, da garabata, os ouros desa chaquetilla, a representación desa ave simbólica que coroa a máscara, todo perfección. A festa está a punto de comezar, e o personaxe se presenta listo para castigar aos veciños co seu látigo, coloca a mitra e sae a correr.
Felicitamos moi especialmente a esta artista, que neste mes que acaba, non só deu a luz esta obra, tamén a súa filla Emma, que moi pronto esperamos ver nun lenzo. Parabéns Isabel!

CRISTAIS DE COR

2009-01-31T20:15:00.004+01:00

A nosa alumna máis paciente e perseverante mostrou unha vez máis as súas aptitudes para o labor tan artesanal que reflicte esta obra. A temática, máis preto do deseño gráfico que da pintura tradicional, enfréntase a unha técnica do máis delicada. Pinceladas planas, unhas sobre outras, transparencias contrastadas, reflexos traslúcidos e brilos oscuros e brancos, moitos detalles que non poden pasar desapercibidos. Tere conseguiu representar todos eles estudando a imaxe rescatada desde fai tempo. Moitas horas de execución e reparación, compartidas coa dificultade desas liñas e superficies perfectas que non deixaron oco en ningún momento á improvisación e a pincelada solta.
E a cor foi un traballo de proba, erro e acerto que impediu en moitos casos progresar e avanzar. Nembargantes, sen o cromatismo vivo e contrastado, o efecto non sería o mesmo. Sobre fondo despintado e imperceptible, totalmente descoñecido, as botellas de cor son as protagonistas. Felicidades Tere, moi bo traballo!

O FILLO DO HOME

2009-01-31T20:00:00.005+01:00

René Magritte pintou esta obra como un autorretrato, ainda que o presonaxe esté representado de forma anónima xa que o seu rostro aparece tapado cunha mazá. Trátase dunha obra surrealista, da que o noso novo alumno Francisco rescatou un fragmento. Toda a obra considérase un simbolismo, como todo surrealista, usaban a teoría de Freud como referente para expresar os sentimentos ocultos e do inconsciente, como se fose un soño. Así, a névoa podería simbolizar o estado anímico do personaxe. A mazá, según os teóricos, representa a tentación, podendo ocultar ao fillo de Adán, segundo o título. Según o artista, o cadro denuncia o doado que é para nós encher o que non coñecemos. O home, para él ten moitas cousas que non da a coñecer, que tapa, igualiño que na obra.

Esta aposta como primeiro exercicio no obradoiro Ronsel, exemplifica o curso que vai seguir este alumno, cheo de sorpresas e cargado de referencias ás avangardas máis próximas. A próxima intención estará relacionada co expresionismo.

PAISAXE DA TOSCANA

2009-01-31T19:54:00.004+01:00

Trátase dunha copia de pintura, non sabemos de onde procede pero a súa similitude coas paisaxes da Toscana italiana. Sara Besada intenta de novo unha temática moi similar á de obras anteriores. O traballo de pincel e paleta segue sendo paralelo, conseguindo misturar pincelada plana e textura. As cores sempre dentro dun abano quente (do amarelo ao maxenta), contrapoñéndoo aos verdes da vexetación, sempre protagonistas.

MAREA BAIXA

2009-01-31T19:47:00.003+01:00

A segunda obra da nosa alumna Mª Xesús está chea de tranquilidade e calma. Unha barca repousando na charca deixada pola marea baixa, despois dunha vida de tarefas, sobre un manto amarelo. Frente a isto a actividade e o dinamismo do fondo, cheo de público, que disfruta do mar azul, calmo, que continúa no ceo intenso de verán.
As liñas ondulantes non só pertencen ás dunas, as ondas do mar... a cor fomenta o protagonismo desa area amontonada e desa auga estancada que se contrapoñen e acomodan coas cores da barca, cheas de capas de pintura acumuladas co paso do tempo.
Ainda que a factura preséntase sinxela, o cromatismo deu traballo á súa autora que perfecciona co tempo o dominio da paleta.

PURO ARTE 3

2009-01-31T19:40:00.002+01:00

Entre os días 15 e 19 de Xaneiro de 2009, celebrouse a terceira edición da Feira Internacional de Arte Contemporáneo PURO ARTE 2008, no Recinto Feiral IFEVI de Vigo. Participaron activamente galerías de prestixio recoñecido tales como Joan Gaspar de Barcelona, Atlántica de A Coruña, Triart de Vigo ou Walter Bischoff de Berlín (Alemania), entre un total de cincuenta y seis expositores. A participación de casi un 40% de galerías extranxeiras que fai desta feira unha das de meirande participación internacional entre as feiras españolas.
Foi unha aposta pola arte que tende a permanencia, moi pretiño da casa, e que consegue achegar a creación a tódolos públicos e a tódolos petos. O ano próximo máis.

I FEIRA DA ARTE GALEGA

2009-01-01T12:56:00.005+01:00

Dende o día 10 de decembro ata o 5 de xaneiro, celébrase unha exposición colectiva de importantes artistas galegos (Manuel Villarino, Pedro Bueno, Pablo Gallo, Laureano Vidal, Manuel Suarez, Elena Corredoira, Ramón Astray, Branda, Jorge Peteiro, Santiago Caneda, Jorge Cabezas, Yolanda Dorda…). Nesta feira de arte, que se celebra no hotel Hesperia (C/Juan Florez, 16), preténdese achegar a arte de autor ao público a un prezo asequible. Podedes visitala todos os días (incluídos domingos e festivos) de 11:00 a 14:00 e de 17:00 a 22:00.
Adquirir unha obra de arte única e orixinal, habitualmente está só ao alcance duns poucos privilexiados. Esta é unha boa oportunidade para comenzar a crear a túa propia colección de arte privada, ou para facer un agasallo especial e orixinal para este Nadal.

FELIZ 2oo000OO000oo9 !!!

2008-12-31T16:15:00.005+01:00

Un ano máis está pasando pola nosa vida e a vista está posta nesa nova porta que se abre. Ainda que recordamos o afortunados que poidemos ser no tempo pasado, sempre os días por diante son sorpresa e esperanza, disfrute e ansias.
Non perdamos nunca a imaxinación e a intención de mellorar, por dentro e por fóra...
Feliz ano 2009 para alumnnos, artistas, amigos, familia e aspirantes a xenios !!!

A MULLER DE DALÍ

2008-12-31T15:10:00.003+01:00

A través dunha fiestra unha muller observa a paisaxe iluminada do exterior. O contraste é patente e perfectamente delimitable entre interior e exterior. Yaiza Aguín supérase cada vez máis, e que ainda que a obra puido ter uns remates máis elaborados, a iniciativa de escoller este tema de confección tan realista é un punto ao seu favor. A opción de paleta de azuis e grises é moi variada, con tonalidades que varían dende o magenta ao azul celeste, acompañados do branco e negro, da luz e da oscuridade.
Esta muller de espaldas presenta moitas interpretacións, ainda que a máis xeralizada foi a de ser a súa amate, muller e compañeira Gala, que representa en moita da súa obra. Ainda que aquí ten a función de espectadora, as súas aparicións soen ser muy variadas sempre como protagonista.

O VELEIRO

2008-12-31T14:58:00.005+01:00

A nosa xove alumna Andrea García, probou cunha temática do máis tradicional. Un veleiro clásico que navega en alta mar. Unhas cores sobrias onde prevalece a paleta azul non deixan espazo á sorpresa nin a improvisación. Toda a actividade pictórica está adicada ao retoque, a execución minuciosa e a copia exacta. Ainda que non pode considerarse unha obra apropiada para perfeccionar a técnica do óleo ou introducir novas aplicacións, trátase dun exercicio bo para exercitar o pulso e a precisión. A próxima obra, totalmente aparte.

CARLOS SOBRINO (1885-1978)

2008-11-19T15:47:00.003+01:00

Caixanova mostra na Sala de Exposicións do seu Centro Social de Pontevedra a exposición ‘Carlos Sobrino (1885-1978)’, un percorrido pola obra do pintor pontevedrés no que se insiren máis de setenta obras entre pinturas, debuxos, gravados e documentación orixinal da época.
Carlos Sobrino, como Castelao, pertence á xeración nacida na década dos oitenta do século XIX, que na arte galega é a de artistas como Xesús Corredoyra, Manuel Abelenda, Camilo Díaz Baliño ou Felipe Bello e na literatura corresponde á Xeración Nós, na que se inclúen nomes como Vicente Risco, Ramón Otero Pedrayo, Florentino L. Cuevillas... Rexionalismo e simbolismo explican en boa medida a obra inicial de Carlos Sobrino. Os primeiros traballos do pintor sitúanse entre o academicismo, os influxos simbolistas e a pegada do ambiente cultural xerado pola crise do 98. Outras influencias sobranceiras das que atopamos exemplos na produción de Sobrino son o modernismo e máis a estampa xaponesa, con obras que teñen de oriental a aérea delicadeza e semellan xurdir dunha intención que prima máis a emoción que a descrición.
O pintor incorpora tamén aos seu traballos a tradición gráfica das artes decorativas e o vocabulario ornamental modernista, tan común na arte europea desta altura. En xeral, estes referentes formais están ao servizo dunha temática de rexionalismo costumista e idealizado. Así mesmo, percíbese nel a impronta do espírito sofisticado e elegante da art déco, que se abre camiño entre nós nun momento –anos vinte- no que o rexionalismo está de moda en toda Europa. A este ambiente e influxos responden abondosas obras con finalidade publicitaria, carteis, anuncios, capas de libros...
Pero sobre todo salientan na súa obra os temas costumistas e folclorizantes galegos, nos que combina con grande estilización, elementos modernizadores no uso da cor e na planimetría e un evidente decorativismo. Esta vontade por salientar o elemento popular galego é parte dun interese xeneralizado da cultura galega de procura das raíces, non alleo en absoluto ao que acontece noutros espazos nacionais europeos, pero que en Sobrino acaba por ser o seu medio fundamental de expresión.

O CIRCO DE ABU GHRAIB

2008-11-19T15:43:00.002+01:00

O artista colombiano Fernando Botero estará mañá en Vigo para presentar a exposición súa que ata febreiro se poderá visitar na Casa dás Artes. Trátase da mostra «Abu Ghraib- O Circo» unha produción realizada en colaboración co Instituto Valenciano de Arte Moderno e que presenta as dúas series máis influentes do traballo recente do artista e que se poderá visitar na Casa dás Artes ata o próximo 1 de febreiro.
O pintor colombiano Fernando Botero reuniu de novo aos seus tradicionais «gordos» para denunciar a «violencia oficial» que o Exército estadounidense empregou contra os iraquís no cárcere de Abu Ghraib e, como contraposición e cara da mesma moeda, metelos no circo e a súa orxía vital de cores.
Segundo comentou ou o artista na presentación desta exposición en Valencia, el coñeceu o terror do cárcere de Abu Ghraib ao ler un artigo mentres viaxaba en avión. A «ira» e o «desasosego» que sufriu fixéronlle comezar, cos seus primeiros bosquexos, a «facer visible o invisible» e durante catorce meses creou o medio centenar de obras que agora poden verse en Valencia tras o seu paso por EEUU, Italia, Alemaña e México.

ABELLA

2008-11-15T14:11:00.003+01:00

O que máis sorprende desta obra é a calidade das texturas, a trasparencia dos tonos e o protagonismo do claroscuro que fan da representación unha imaxe que non pasa desapercibida. Usando os tons das abellas, Mª José Ardoiz, conseguiu cunha gama de cores amarelas fusionar a flor coa protagonista: a abella. O branco e o negro serven de encaixe para as luces e as sombras, perfectamente delimitadas e que ofrecen á pintura un carácter do máis realista. Moitas felicidades por este avance, un paso máis hacia unha técnica perfeccionada e dominada.

VIOLETA

2008-11-15T14:04:00.003+01:00

O Concello de Sanxenxo a través do O.A. TERRA de Sanxenxo, xa comezou a "IV Convivencia Artística TERRA DE SANXENXO", dende o día 16 ata o 28 de Novembro. Os estudantes participantes son de segundo e tercer ciclo das Facultades de Belas Artes españolas e portuguesas.

Nesta sexta edición o VIOLETA será a cor protagonista. O O.A. TERRA de Sanxenxo editará un catálogo que recolla o traballo dos participantes e organizará unha exposición, reservándose a elección dunha obra de cada un dos mesmos, que será donada e pasará a formar parte do patrimonio do Concello de Sanxenxo.

ENTRE FLORES

2008-11-15T13:58:00.002+01:00

Seguindo a serie de motivos florais, a alumna Maribel Gondar, está a realizar un conxunto de pequenos tablex pintados ao óleo. As cores son as protagonistas, con fondos de tonalidades azuis, malvas e violetas que contrastan con branco e verde das representacións vexetais. Ainda que queda moito por avanzar, esta temática é un medio para conseguir a dominio da mestura dos pigmentos e do control da pincelada. Esperamos a seguinte representación xa comezada.

DORA MAAR

2008-10-12T11:50:00.005+02:00

Amante de Picasso pero tamén artista, esta muller retratada ten unha conexión directa como musa, amiga e amada. É inevitable que o seu nome sone públicamente por esta relación co maestro que a retrata, ainda que é preciso engadir a súa gran calidade como fotógrafa. Nestge modelo de retrato de grande interese para a nosa alumna Luísa, as cores acompañadas e guiadas da liña negra fan atractiva a pintura e demostran o grande dominio da fisonomía e perspectiva por parte do grande maestro do cubismo.

PASAXES NA MEMORIA

2008-09-08T15:26:00.004+02:00

Foi o mes pasado. O día 22 de agosto levouse acabo a entrega do Premio Luis Cuadrado. Foi un día especial e emocionante, acompañada da familia e dos protagonistas do estudo. É unha homenaxe aos represaliados políticos da Guerra Civil no concello de Sanxenxo e a todos aqueles nomes que permaneceron ocultos demasiado tempo por medo, por vergoña ou por indiferencia.

SOÑO DE DALÍ

2008-09-08T15:18:00.002+02:00

Esta representación realista é un soño-copia de Dalí, o xenial artista que tanto atrae a nosa alumna Yaiza. A figura feminina espida de tan complicada anatomía foi quizais o motivo máis traballado. O chan frío e recortado contrasta co paisaxe limpo e valeiro. Un avance máis para esta nova pintora que destaca na súas pinturas, paso a paso.

FOLLAS IMPRESIONISTAS

2008-09-08T15:13:00.003+02:00

Elixida pola nosa alumna máis xoven, Lucía decidiuse por esta temática impresionista onde as pinceladas vibrandes de cor forman conxuntos de natureza perfectamente entendible. Os verdes priman na composición, nunha variada policromía desde os amarelos aos brancos. Foi unha obra rápida pero interesante para a práctica da mestura da cor e a impresión da pincelada.

AS ILLAS DA MEMORIA

2008-08-11T17:46:00.003+02:00

Non podo dicir que fose unha visita máis a unhas illas. Non era unha visita con interese turístico ou natural. Foi máis que iso, foi un contacto coa historia, coa nosa historia esquecida e descoñecida que comeza a saír do perímetro de dúas illas e do que alí pasou entre os muros das instalacións rehabilitadas. O paseo polos sendeiros percorrendo as marabillosas especies naturais, contrasta coa cruda realidade vivida 70 anos atrás, relatada de forma sinxela e perfectamente entendible polo ruta. Tras un estudo dos acontecementos vividos, tras unha relación persoal coas persoas que o sufriron, esta viaxe completou o círculo, poñendo imaxes ás palabras, citas e testimonios escoitados. Foi triste pero foi real, e quedará sempre como parte da miña experiencia vital.

REDEIRAS

2008-08-11T17:39:00.004+02:00

Marina Canut Caneda remata este lenzo de temática mariñeira no obradoiro de arte. As súas influencias recurren aos primeiros pintores do estilo costumbrista galego: Colmeiro, Maside, Laxeiro, sempre dende unha técnica inicial realista. As cores intensas e contrastadas enfréntanse aos temas máis tradicionais da paisaxe laboral mariñeira. Tres mulleres de antaño e de agora, nunha práctica por momentos esquecida pero de gran valor etnográfico e cultural.

VISITA ÁS CÍES

2008-08-11T17:12:00.005+02:00

Este verán por fin conseguimos visitar esas illas tan paradisíacas, coñecidas no mundo enteiro. Entre amigos e familia aproveitamos a estancia dunha amiga noruega para disfrutar deste parque natural tan extraordinario. Ainda que no desembarco, a desilusión da néboa foi o máis xeneralizado, non foi escusa para percorrer as catro rutas. O peor de todo foi que a máis difícil deixámola para o final, e a punto estiven en botarme atrás. Esperamos visitalas máis adiante, cando o tempo acompañe e poidamos descubrir os horizontes tan fermosos que atopamos agochados.

A PINTAR CANGAS

2008-08-05T17:22:00.008+02:00

A Asociación Cultural A CARÓN DO MAR e o CONCELLO DE CANGAS anuncian a convocatoria da V Edición do concurso de pintura rápida 'A PINTAR CANGAS', que terá lugar o domingo 24 de agosto do 2008 e invita a tódolos interesados en mostrar a súa propia concepción da arte a participar. Preme aquí para ve-las bases.

UNS DÍAS DE DESCANSO

2008-07-29T11:29:00.005+02:00

Ainda que as vacacións non aparecerán por ningún recuncho, tomarémonos uns días de descanso e relax neste ecuador do verán. O destino ainda está por atopar, será por lugares en Galiza...

O ESPELLO COTIÁN

2008-07-29T11:14:00.001+02:00

A mostra ‘O espello cotián. Colección Caixa Galicia’ volve exporse no país, dividíndose nesta ocasión entre as cidades de Pontevedra e Vigo. Así pois, a Sede Fundación Caixa Galicia de Pontevedra e o Centro Sociocultural FCG de Vigo acollen cadansúa parte complementaria da exposición cos títulos “O espello cotián I” e “O espello cotián II”. As dúas partes constitúen unha escolma de obras centradas na representación da figura humana, tematicamente relacionadas co retrato ou a propia identidade. Poderemos visitalas, en ambos os dous edificios, do 3 de xullo ao 12 de outubro.

III CONCURSO DE PINTURA AO AIRE LIBRE

2008-07-17T10:50:00.004+02:00

Un ano máis, o Círculo Cultural Deportivo de Sanxenxo organiza o concurso " Paisaxes de Sanxenxo", o próximo 2 de agosto.

Poderán participar tódolos artistas que o desexen, con inscrición gratuíta por medio dunha preinscrición por correo electrónico en ccdsanxenxo@terra.es, ou por teléfono ao 678202996.
A obra deberá realizarse forzosamente "in situ". Cada participante deberá escoller libremente o seu emprazamento para pintar a súa obra. As obras poderán realizarse con calquera técnica ou procedemento e con completa liberdade de tendencias ou estilos. O selado das teas ou soportes farase de 09:00 a 10:00 horas, o mesmo sábado día 2 de agosto, no local de Nauta o lado da Oficina de Turismo do Concello de Sanxenxo, no Porto Deportivo. Haberá un primeiro premio de 600 € e un segundo premio de 500 €.

30 BIENAL SEN FRONTEIRAS

2008-07-17T10:37:00.006+02:00

A 30 Bienal de Pontevedra ofrece unha reflexión, confrontada coa hispana, sobre a realidade artística actual dos tres países centrais do Magreb (Argelia, Marruecos y Túnez), tan próximos físicamente pero, á vez, tan pouco ou mal conocidos. Continúa con un diálogo interterritorial, superador de visións localistas, que xa tivo lugar no ano 2006 con unha edición adicada á emigración e á relación entre Galicia e os países que integran o Cono Sur (Argentina, Chile e Uruguay).

Na Bienal participan 29 artistas (10 marroquíes, 7 españois, 6 arxelinos e 6 tunecinos), a metade mulleres. Está orgaizada pola Deputación de Pontevedra e tén como director a Carlos Valle, director do Museo de Pontevedra; como comisario, ó marroquí Abdelkrim Ouazzani, pintor y director del Instituto de Bellas Artes de Tetuán (Marruecos); e como asesores para Arxelia, a Mohammed Djehiche, director del Museo de Arte Moderno y Contemporáneo de Argel, para Túnez, a Rachida Triki, presidenta da Asociación tunecina de profesores de Estética, e para España, a Xosé Manuel Lens, crítico de arte e comisario de exposicións.

A mostra desenvolveráse na sala de exposicións temporais do novo edificio do Museo de Pontevedra e no Pazo da Cultura do 17 de xullo ó 7 de setembro.

NENOS NA PRAIA

2008-07-11T18:52:00.003+02:00

Andrea García rematou un lenzo ao óleo que supuxo un grande esforzo pola súa parte. É a terceira obra feita en Ronsel e as mañas e as técnicas ainda están moi imprecisas para poder axustar o estilo deste pintura. Trátase dunha obra do xenial artista Joaquín Sorolla, un maestro da luminosidade e a cor da costa mediterránea do século XIX. Esta copia non foi sinxela xa que o tratamento da pintura neste cadro obriga a un coñecemento preciso da pincelada e da mestura da cor. Son uns inicios moi positivos, o resultado así o proba.

GAIVOTA

2008-07-04T18:52:00.004+02:00

Esta obra é o comezo dunha andaina por parte da nova alumna Elena Souto Rea. Ainda que a práctica da pintura xa era coñecida, o tempo fai que os coñecementos desaparezan e sexa preciso unhas clases de introducción. A temática foi moi sinxela pero á vez determinou a realización de diferentes técnicas de fundido e detalle precisas para enfrentar unha obra posterior. O resultado é interesante e positivo para encarar ás seguintes clases. Ánimo Elena !!!

ESPIDO EN MANCHAS

2008-07-04T18:45:00.003+02:00

De carácter novidoso e pincelada espontánea, unha nova obra sae do obradoiro Ronsel. O que atrae ao espectador a primeira vista é o enfrontamento cromático de gamas quentes que rompen có versátil malva. Unha intensidade da cor que deixa paso a unhas formas abocetadas e impresionistas da linguaxe corporal. Con un fondo homenaxe ao neoclasicismo, os cortinaxes represéntanse moi alonxados dese estilo clásico, polas súas formas abruptas e cortantes. A súa autora, Ángela Martínez segue a insistir nos estilos menos resoltos que obrigan a unha elaboración máis coidada da pincelada e da colocación da cor. As avangardas seguen a estar presentes como estilo preferido.

A MESA POSTA

2008-05-31T17:11:00.003+02:00

A nosa alumna Celeste Chan invítanos a comer nesta mesa con mantel tan colorista. Trátase dun bodegón, unha iconografía que non ten moitos adeptos pola súa relación coa sobriedade e o formalismo. Sen embargo esta é unha proba do atractivo do tema, onde cada peza é un fragmento do círculo cromático. Na pintura combínanse as cores frías e quentes acadando un equilibrio perfecto. A vitalidade e enerxía que desprende a obra fan dela unha representación atractiva para calquer espazo.

VOLVORETAS VERMELLAS

2008-05-31T17:01:00.004+02:00

Sara Besada rematou esta fabulosa obra. Fabulosa non só polas súas dimensións senón pola dedicación e o traballo deixado na súa elaboración. Destacou dende o principio, ainda antes de ser abocetada, pero o resultado é moito máis que agradecido. No trascurso das clases as cores cálidas (vermellos, laranxas e rosas) ían impoñendose como protagonistas sobre as liñas e os motivos figurativos (tres volvoretas). Con todo, non foi ata as últimas clases onde a colocación dos detalles estableceu o significado total da pintura. Parabens Sara!

ESTAMPA ORIENTAL

2008-05-31T16:54:00.004+02:00

Seguindo a traxectoria dos retratos étnicos, a nosa alumna Ardoiz volve escoller unha figura humana de representación moi achegada ao hiperrealismo. Nesta ocasión, a delicadeza e complexidade das ropaxes sustitúe en protagonismo ás carnacións, únicamente representadas por un rostro e nuca de perfil. A atención iconográfica está presente no gran lazo posterior ricamente decorado. Nas cores, o vermello é o gran protagonista entre o negro do cabelo e sobre o branco de fondo.

NOVO MIRÓ

2008-05-31T16:47:00.005+02:00

Non é segredo ningún que o pintor vangardista Miró atrae ós nenos e nenas. En Ronsel é copiado constantemente. Son as súas cores industrias e as súas formas básicas moi preto do grafismo infantil, o que fai que os rapaces e rapazas sintan interese polas súas obras. Yaiza Aguín volve probar cunha pintura da súa etapa tardía, representando unha muller con flor. Non foi doado de entender pero cunha breve explicación localizouse a anatomía e o atributo que porta. Dentro da traxectoria da alumna é unha representación contemporánea entre as máis tradicionais.

O QUE BEN CHE QUER

2008-05-04T17:10:00.002+02:00

Con motivo da celebración do día das letras galegas, este 17 de maio, a editorial pontevedresa Oqo, presenta unha publicación do escritor conmemorado: Xosé Mª Álvarez Blázquez. E como a data de hoxe é tan familiar, mencionamos un conxunto de poemas deste escritor, para a súa filla Colorín, presentados por Pepe Cáccamo e ilustrados pola súa irmá Berta Cáccamo. Esta, realiza unhas acuarelas con delicados trazos, unha figuración mínima e suaves cores, acompañando os versos e deixando nas nosas mans un produto delicado. Parte dos poemas pertencen ao libro Roseira do teu mencer e parte son inéditos. Entre eles gustaríanos compartir con vos aquel que lle dá título ao libro, e que ademais conta cunha das ilustracións máis interesantes.

O que ben che quer

eche o vilorico que anda polo ler.

Ise si que é boque viu dende lonxes aguillando o vóso

mentes por verte e que o viras ti,

para que os dous brincases; ti co teu oh, oh,

e el co seu chi, chi.

O viloricode longo bico

e longas patas de gabirú

que nin di cu - cu

nin anda con trolas de chicherico.

- Que non diga o moucho,

que no diga o cuco,

que non diga a poupa

que che queren muito...

O que ben che quer

está silandeiro enriba de un pé.

Sabes ti quen é?

Éche o vilorico que anda polo ler.

SOROLLA E OS SEUS CONTEMPORÁNEOS

2008-05-04T16:54:00.003+02:00

A partir do 21 de abril a mostra “Sorolla e os seus contemporáneos” trasládase á Sede Fundación Caixa Galicia de Santiago de Compostela, onde permanecerá ata o próximo 6 de xullo. Destacados pintores do ‘cambio de século’ danse cita nesta exposición, na que poderemos ver unha magnífica colección de pintura española do Museo de Belas Artes de La Habana. Ademáis, reúnense no edificio compostelano un conxunto de 60 obras de Sorolla, Zuloaga, Santiago Rusiñol, Anglada Camarasa ou Cubells, entre outros. O horario é de luns a venres: 12:00 h. a 14:00 h. e 18:00 h. a 21:00 h. Sábados, domingos e festivos: 12:00 h. a 21:00 h. Visitas guiadas.

CLAUSURA DO CURSO DE MANDALAS

2008-04-26T22:42:00.003+02:00

Hoxe tivo lugar a clausura do Curso de Mandalas organizado polo concello de Sanxenxo, por medio da Concellería de Xuventude. Os resultados foron moi satisfactorios e positivos, dende o lado da docencia de dos participantes. A creatividade e as experimentacións estiveron presentes por parte de alumnos, que aproveitaron o curso para desenrolar as diferentes técnicas pictóricas pouco tratadas ou descoñecidas. Esperamos que as expectativas foran cumpridas e poder atoparnos nunha próxima cita cos alumnos que hoxe nos deixan.

NENÚFAR

2008-04-26T16:43:00.004+02:00

Unha nova adquisición, unha nova alumna. María comezou pouco convencida, esperando velo mesmo de sempre. Estamos a conseguir que a seguridade en sí mesma, á hora de pintar, vaia en aumento. Ainda nos queda, pero sabemos que esta primeira obra é un punto ao noso favor. Enseguida conseguirá expesar o que quere e non o que o pincel lle deixe. Este motivo inicial, ainda que moi sinxelo en composición, obriga ao alumno a practicar o matiz e a cor dende as mesturas iniciais. O fondo oscuro é sempre un tanto a favor para que resalte calquera representación sobreimpresa. Ánimo, e a seguir...

ROSA ROSAE

2008-04-26T16:37:00.002+02:00

En amarelo e aderezada con óleo. A rosa de Luisa, a nosa alumna máis veterana, veu a luz despois dun longo percorrido, alternado polas vivencias máis inesquecibles que pode pasar un ser humano. Dende o obradoiro Ronsel mandámoslle unha forte aperta e animámola a seguir adiante con ese optimismo e esas gañas de vivir que lle trasmite día a día aos seus netos. Pinta para eles e para ela. Unha mostra palpable é esta flor chea de cor e vitalidade. Un bico.

DE INAUGURACIÓN

2008-04-19T16:26:00.003+02:00

Onte pola noite tivemos unha cita importante con parte dos alumnos do obradoiro Ronsel, artistas vidos de outras partes de Galicia e comerciantes asociados a Entretendas, asociación organizadora do evento. Este ano, a encargada de conducir a inauguración foi Isabel Martínez, vicepresidenta de Entretendas e coñecida por todos no taller. Participando tamén con dúas obras na mostra, relatou as características desta terceira edición e deu datos sobre o número de obras e artistas, así como os estilos e tipoloxías artísticas. Esperamos que esta pequena aventura de introducir a arte no mundo máis cotiá das compras, serva para educar e promocionar as actividades dos nosos artistas máis noveis.

AMAZONÍA PRECOLOMBINA EN PONTEVEDRA

2008-04-19T12:34:00.003+02:00

A sede da Fundación Caixa Galicia na boa vila acolle a mostra até o próximo 15 de xuño. A directora do Museo Barbier-Mueller de Barcelona, Anna Casas, e a subdirectora de programación da Fundación Caixa Galicia, Rosario Sarmiento, presentarán a exposición Amazonía Precolombina, que reúne 26 pezas de cerámica, terracota ou pedra, procedentes da Illa de Marajó e das rexións brasileiras de Karajá, Santarém e a Baixa Amazonía.
Trátase dunha selección dos fondos do Museo Barbier-Mueller de Xenebra, o conxunto de cerámicas precoloniais da baixa Amazonía máis importante do mundo. As pezas están datadas entre o século V e comezos do XVI, cando a colonización española e portuguesa invadiron as poboacións autóctonas. Os vestixios das civilizacións anteriores poden verse en vasillas, pinturas rupestres e pezas de cerámica.

A LÓXICA DO IRRACIONAL

2008-04-19T12:26:00.003+02:00

A Fundación Pedro Barrié de la Maza inaugou o 27 de marzo a exposición 'Laxeiro, a lóxica do irracional' que se desenvolverá de xeito simultáneo nas sedes que a institución posúe en Vigo e A Coruña, onde se exporán un total de 47 obras, na súa maioría óleos de mediano e grande tamaño sobre distintas temáticas e estilos.
A mostra, que repartirá as súas obras entre as dúas cidades (21 en Vigo e 26 na Coruña) está comisariada por Luis María Caruncho, autor dun catálogo crítico sobre o pintor, publicado recentemente pola propia Fundación Barrié. Ambas as dúas iniciativas realízanse no ano do centenario do nacemento de pintor lalinense, quen desenvolveu grande parte da súa actividade en Vigo.
A entrada ás mostras será gratuíta e poderanse visitar ata o 1 de xuño en horario de 12.00 a 14.00 horas e de 18.00 a 21.00 horas de martes a domingo, festivos incluídos.

III EXPOSICIÓN DE PINTURA E ESCULTURA DE ENTRETENDAS

2008-04-13T22:21:00.003+02:00

Por terceiro ano consecutivo, e debido ao éxito acadado en anos anteriores, organízase a exposición de obras pictóricas e escultóricas nos escaparates dos comercios asociados a Entretendas Centro Comercial Urbano, dende o 21de abril ao 4 de maio de 2008.
As obras expostas serán de artistas galegos, ainda que este ano, o espazo dos escaparates vai a estar compartido con obras de artistas noveis do concello de Sanxenxo, alguns dos cales mostran por primeira vez as súas obras ao público. Cada pintura ou escultura irá acompañada dunha cartela onde se mostre o nome do artista, as medidas e técnica da obra e un teléfono de contacto de aqueles artistas que poñan prezo á obra. Os participantes que só desexen mostrar as súas creacións deixarano claro na tarxeta informativa.
Tódolos participantes seleccionados serán convidados a inauguración da III Mostra de Pintura e Escultura UN PASEO ENTRE-ARTE 2008, que terá lugar no Pazo de Cultura Emilia Pardo Bazán de Sanxenxo, o venres, día 18 de Abril de 2008 ás 21 horas. O motivo, aparte de inaugurar a mostra, será informar do evento ós medios de comunicación e coñecer de preto tanto aos artistas como aos comerciantes colaboradores na mostra.
Esta é unha oportunidade para achegar as últimas creacións dos nosos artistas e veciños á xente que disfrute das compras nos comercios asociados ao Centro Comercial Urbano do concello de Sanxenxo.

Esperámosvos a todos ¡¡¡

FLORES BRANCAS

2008-04-13T22:13:00.002+02:00

Xa fai tempo que esta obra veu a luz. Foi a segunda do obradoiro Ronsel para Sara Besada. Ainda que non presentaba unha técnica e traxectoria afirmada, os comezos xa se ven e están sobrepasados nas obras posteriores. Penso que as flores son o seu porque ata o de agora a temática é moi similar, adquirindo un maior control da cor e a pincelada. A última obra está a piques de sair.

CASCADA

2008-04-12T16:49:00.002+02:00

Un dos primeiros lenzos que realizou Mónica López no noso obradoiro foi esta Cascada, que con motivo dunha exposición colectiva dos alumnos, vólvese a mostrar para rescatar os seus inicios. Ainda que ata o de agora foron as flores os motivos máis representados por esta pintora, está volvendo as paisaxes do principio, unha das cales, a de máis interese persoal para ela dende sempre, está a rematar. Pronto a daremos a coñecer.

MIRÓ E CELESTE

2008-04-12T16:41:00.003+02:00

Dende o inicio de Ronsel como obradoiro de arte acompañounos Celeste Chan Gondar, unha alumna principiante que ten predilección polo artista onírico Miró. Poden ser as cores, ou as formas, ou a liña negra que recorre o lenzo. A atracción leva a que Celeste forme parte da iconografía do lenzo, estando presente no acrílico sobre lenzo. Ainda que esta pintura fai tempo que saíu do taller, mostramos os inicios desta nova pintora.

PINTORES DE MANDALAS

2008-03-22T23:52:00.003+01:00

Este sábado comezou o Curso de Mandalas, organizado pola concellalía de Xuventude do concello de Sanxenxo. Un total de 16 alumnos participan nas clases do centro Ronsel. Hoxe, despois dun achegamento a súa historia, orixes e tipoloxía, os participantes comezaron a pintar os primeiros mandalas. Nas próximas clases experimentarase coas cores e as súas mesturas así como coas distintas técnicas pictóricas e a confección do propio mandala. Queda moito que ver e colorear.

NEVE E NATUREZA

2008-03-22T23:35:00.002+01:00

Esta semana santa saímos do país con dirección ao norte. Noruega e Suecia foron os destinos. Salientar moitas cousas, entre outras, a urbanidade e a educación. As cidades visitadas, Oslo e Estocolmo, son moi distintas pero moi interesantes e agradables de pasear. Temos moito que aprender dunha sociedad que se distingue como tal e que mira polo ben común, integrada nos tempos que corren e á vez respetuosa co herdado. As paisaxes son irrepetibles, cada unha máis fermosa, cun toque de branco-neve que engaden un carácter único de postal. Totalmente recomendable.

PAISAXE AMARELA

2008-03-07T20:20:00.002+01:00

Xa foron tempos de presentar esta obra de Asunción López, que se facía esperar, pero..... xa está aquí. Preséntase como un exercicio na aplicación da gama de amarelos, ocres e laranxas que fan da composición un aspecto secundario. De liñas básicas e máis preto do debuxo, as formas da paisaxe de fondo contrastan coa mancha da espátula que mostra o primeiro plano dun agro de verán.

ULIR E TOCAR I

2008-02-29T17:57:00.004+01:00

Se non fose porque se trata dunha pintura ao óleo aplicada nun lenzo sobre bastidor, podería describirse como unha fotografía. Esta representación hiperrealista, minuciosa ata o traballo máis paciente, é obra de Teresa Iglesias. Esta alumna vaise facendo un oco e un respeto pola súa actitude ante retos cada vez maiores, así como por esas aptitudes que ainda que as tivo desde un inicio, estalas a perfeccionar día a día. Sabemos que dúas horas é pouco para ela, pero o interese e a perseverancia fan moito. Moi bo traballo Teri ..., a seguinte aventura será un novo reto.

III MOSTRA UN PASEO ENTRE.ARTE

2008-02-27T21:22:00.003+01:00

Un ano máis, os escaparates dos comercios asociados a Entretendas Centro Comercial Urbano de Sanxenxo, terán un recuncho para a exposición de obras de arte. A mostra, que por terceiro ano consecutivo segue escollendo pinturas e esculturas de artistas galegos, levarase a cabo entre o 21de abril e o 4 de maio de 2008. Tódalas obras serán orixinais, sen discriminación de orixe e idade no caso do artista, nin de técnica no caso das obras plásticas (escultura e pintura). De maneira anticipada, os artistas deberán enviar por correo electrónico á dirección: entretendas@entretendas.com , as fotografías das obras que se queiran expoñer, acompañadas dos datos das mesmas (autor, título, técnica, medidas, ...), e dun pequeno currículum d@ artista. No caso de que o artista desexe que na cartela que acompaña á obra apareza o prezo debe constalo no correo electrónico, engadindo este dato en cada obra.

Esperamos que este ano a obra sexa do máis variada e completa para disfrute dos nosos paseantes e... clientes.

CONSTANTE DILEMA

2008-02-26T18:46:00.002+01:00

Sabemos que o Patrimonio debe ser conservado e mantido no tempo para que as xeracións futuras poidan contemplalo e estudalo en toda a súa integridade pero, a qué prezo?

Moitos restauradores ocúpanse desta labor con certa autonomía, ainda que na súa maioría teñen sobre eles un control remoto que ven dado polo interese económico. Sabemos que os concursos por acadar obra de máis ou menos interese cultural e social obriga, en moitos casos a apretar un orzamento, non só en prezo senón tamén en tempo. Non sei qué é o peor, porque moitos de nós, ainda que traballando cós medios máis escasos conseguimos resultados positivos e respetuosos coas obras de arte, sen embargo, o tempo non ten cabida. Moitos dos tratamentos visualizados a partir das alteracións, conseguen superarse e alongarse no tempo, obrigando a unha ralentización de todo o proceso. E ainda que sabemos que no informe de entrada é obrigado unha data de saída do obradoiro, sempre implicamos estos pormenores para non deixar de ser profesionais. Nembargantes non podemos comercializar coas horas de traballo, cada proceso é o que é e leva o que leva chegar ao seu fin, doutra maneira estaríamos danando o traballo e deixándoo incompleto, co único obxectivo de competir pola obra.

Un só orzamento e dous parámetros incompatibles: o constante dilema.

DECORACIÓN, RELAXACIÓN, CREACIÓN

2008-02-26T18:39:00.002+01:00

O vindeiro día 22 de marzo comeza un curso de Mandalas no obradoiro de arte Ronsel. Os obxectivos son introducir ós asistentes no mundo dos mandalas, un método que axuda a descubrir a propia creatividade, vencendo a rutina e o stress de forma doada. Cun percorrido polos numerosos tipos de mandalas e as súas posibilidades, o alumno pode ser quen de crear os seus propios deseños e experimentar con técnicas e materiais novos. De modo paralelo, esta actividade ten unha finalidade terapéutica onde o alumno gañará en confianza e serenidade mediante a creación.
O curso realizarase dentro da programación da concellalía de xuventude para este ano 2008. A duración do curso será de 12 horas, repartidas en clases de 2 horas, tódolos sábados, de 17 a 19 horas da tarde. Esperámosvos a todos ¡¡¡

MULLERES NA ARTE

2008-02-16T20:52:00.004+01:00

“Arte, muller e sociedade, unha complicada dialéctica. Musas femininas tras xenialidades masculinas" é o título da conferencia que terá lugar o 21 de febreiro na Sede Fundación Caixa Galicia de Santiago de Compostela, dentro do ciclo divulgativo "Mulleres na Arte: Ausencias e presenzas. Musas e artistas". "O longo período das ausencias creativas. Muller, modelo pero non artista” será a segunda conferencia e terá lugar o 28 de febreiro. Estas sesións formúlanse como unha constatación gráfica e estilística do intenso protagonismo que tivo a muller como musa ou modelo no ámbito das artes plásticas, a través dos coñecementos de Ana Pereira Morales. Este novo ciclo de conferencias chega á Fundación Caixa Galicia có fin de facer unha breve incursión no mundo da arte e a súa relación có sexo feminino. Esta licenciada en historia da arte, encargarase de darnos a coñecer a complicada relación entre arte, muller e sociedade establecida ao longo da historia.

ARCO 08

2008-02-16T20:44:00.003+01:00

Dente este venres e ata o 18 de febreiro estase a celebrar en Madrid a feira de arte ARCO 2008, un punto de encontro para todo profesional no mundo da arte contemporánea. Antón Patiño, Pamen Pereira, Vicente Blanco, Álvaro Negro, Jorge Perianes, Rubén Ramos Balsa, Francisco Leiro, Pedro Barbeito e Diego Santomé son algúns dos nomes galegos que sonan nesta edición.
O programa artístico de ARCO 08 contará finalmente coas propostas de catro galerías galegas seleccionadas polo Comité Organizador para ARCO, que xa vai pola edición número 27.
A galería viguesa Ad Hoc formará parte do programa xeral, que reunirá grandes galerías de todo o mundo. Por outra banda, Bacelos e Trinta incorpóranse a ARCO40, un espazo novidoso dentro da feira que reunirá obra artística producida por tres artistas nos tres últimos anos nun espazo limitado a 40 metros coadrados.
Con sede en Santiago, Trinta presentará nesta edición o proxecto artístico esto no es pop, do artista catalán Carlos Pazos. A obra explora a arte conceptual mediante vídeos, música orixinal, obxectos e fotografía.
Bacelos estará tamén en ARCO 40 coa proposta de Victoria Diehl. A artista galega parte do mito de Pigmalión para xogar coa ambigüidade das estatuas que se volven reais na imaxinación e das persoas que se volven imaxe. A fotógrafa Laura Torrado e a artista portuguesa Catrina Campino forman parte do abano de Bacelos para ARCO 40.
Ademais, nesta edición inclúese a sección Expanded-Box, unha aposta polas tendencias que exploran a influencia da tecnoloxía na arte, e na que estará presente a Galería C5 compostelá coa obra da lucense Ana de Matos Face to Face, na que a artista contrapón o glamour da pasarela fronte ás imaxes de miles de mulleres producindo nos talleres de China.
Tamén na sección Solo Projects participará a galería viguesa Ad Hoc cunha instalación de Josep-María Martín.

O CAMIÑO DE BALDOSAS AMARELAS

2008-02-16T20:31:00.004+01:00

Coma se dun conto se tratase, e aceptando paralelismos, esta pintura de Yaiza Aguín, ten un tema escollido dun texto ilustrado. Teño que dicir que a elección veu dada pola profesora, xa que podía ser un perfecto exercicio de pintura, onde a mestura de cores estaría por riba da representación de realidades e formas. O resultado foi moi satisfactorio e Yaiza está comezando a traballar máis libremente. O seu ollo deixa de mirar para ver mellor os detalles e diferencias sombras e luces que antes eran imprecisas. A partir de agora as pautas, ainda que non tan constantes, estarán presentes para un avance máis avanzado e progresivo. Parabens.

ÁRBORE ORIENTAL

2008-02-16T20:16:00.003+01:00

Aquí temos un motivo sinxelo e simple: unha árbore de ramaxe espido. As formas son secundarias, deixando o protagonismo ao fondo, unha gradación de cores que simulan un atardecer de recordo oriental. O paso do amarelo pálido ao laranxa serve de contraste cos motivos decorativos das flores e follas, brancos e verdes, motivos da pintura. Mónica López persegue unha composición decorativa, onde o cromatismo é o principal elemento a ter en conta.

UNHA MEDALLA MÁIS

2008-01-28T19:06:00.001+01:00

O ministro de Traballo, Jesús Caldera, impuxe hoxe luns na Coruña a Medalla de Ouro ao Mérito no Traballo a Isaac Díaz Pardo, despois de que fosen galardoados polo Consello de Ministros o pasado 7 de decembro.
Díaz Pardo foi distingido xunto con outras 33 persoas, co obxectivo de premiar e destacar o mérito dunha "conduta socialmente útil e exemplar" no desempeño dos deberes que impón o exercicio de calquera traballo, profesión ou servizo, segundo informaron dende o Ministerio en nota de prensa.
Na edición deste ano están representadas todas as comunidades autónomas e outorgáronse medallas a un total de sete empresarios, un líder social, nove educadores e académicos, dous profesionais superiores, nove traballadores e seis traballadoras da cultura e a arte.

Isaac Díaz Pardo recibía onte coa súa habitual modestia a nova da condecoración, comentando que o seu maior mérito é o de pasarse a vida "templando gaitas". En todo caso, agradeceu a medalla, sobre todo por ser otorgada nun momento coma o actual, xa que foi apartado da dirección do Grupo Sargadelos, que fundou xunto con Luis Seoane e Andrés Fernández Albalat. O seu último refuxio, incluso vital, é o Instituto Galego de Información e a nova dirección acaba de convocar unha xunta de accionistas do IGI para restarlle o pouco poder que queda ao fundador, que teme que queiran vender o edificio e quedarse cos cartos, poñendo así fin a un proxecto cultural de décadas.

ANTONIO MURADO AM 34 x 24 Vol.1

2008-01-28T18:58:00.000+01:00

A exposición "Antonio Murado AM 34 x 24 Vol.1" segue de xira polas principais cidades galegas e agora tócalle recalar nas pertencentes á provincia de Pontevedra. Do 25 de xaneiro ao 30 de marzo, divídese entre o Centro Sociocultural Fundación Caixa Galicia de Vigo e a Sede F.C.G. de Pontevedra para mostrarnos o último traballo do artista lucense. Con ela poderemos coñecer de preto 107 pezas de Antonio Murado ademais dun texto do seu irmán, o periodista, escritor e guionista Miguel-Anxo Murado.

COIDAR O NOSO PATRIMONIO

2008-01-28T18:54:00.001+01:00

Podemos defini-lo patrimonio cultural dun pobo como o conxunto de bens, materiais e inmateriais, de recoñecido valor que reflicten as tradicións e a forma de vivir e pensar ó longo do tempo. Podemos dicir que o patrimonio cultural de Galicia é o conxunto de elementos materiais e inmateriais que conforman as características específicas da nosa cultura e caracterízase pola súa abundancia, variedade e ampla dispersión xeográfica así como a vinculación á paisaxe que os rodea.
Na concepción recollida na Constitución Española a noción de ben cultural queda subordinada á posibilidade do gozo público, o que, á súa vez, se vincula ó deber de conservación, e iso con independencia de que a súa titularidade sexa pública ou privada.
Así pois, xa que os bens culturais teñen un valor de testemuña histórica e de civilización, os propietarios e as diversas administracións deben preservar ese interese xeral que é o noso patrimonio histórico. No exercicio dese cometido estes entes públicos precisan a colaboración das institucións e, sobre todo, dos cidadáns, no coidado, defensa, protección, conservación e custodia de tódolos bens que forman parte do noso patrimonio cultural.
Nembargantes, para protexe-lo noso patrimonio cultural resulta necesario coñecelo e valoralo mellor; ó tempo que esa concienciación nos axudará a entende-las nosas raíces.

UN PICASSO

2008-01-24T11:36:00.000+01:00

``Un Picasso´´ parte do feito real, ainda que todo o que vexamos e escoitemos en escea fora ``probablemente´´ inventado polo escritor americano Jeffrey Hatcher. Durante a ocupación nazi de París, Picasso é detido por uns soldados alemáns. Hai humor, poesía, teatralidade e un magnífico vehículo para que, pasando por diferentes matices, dous actores da talla de José Sacristán e a galega Sonia Castelo luzan en todo o seu esplendor. Na Coruña e Pontevedra os días 25, 26 e 27 deste mes.

EN PORTADA

2008-01-10T19:38:00.000+01:00

Esta semana visitounos no Centro de Restauración de Ourense, onde traballo, uns reporteiros de La Voz de Galicia, para facer unha reportaxe. Cal foi a nosa sorpresa cando nos vimos na portada da edición do día seguinte. O que non sabía era que tamén saíra no resto das edicións galegas, por eso apureime tanto en compra-lo. Ao resto do equipo e máis a min, fíxonos moita ilusión de ver publicado o traballo e a descripción do centro que realmente pode considerarse único en Galicia, polo traballo que abrange, pola tecnoloxía que posee nas súas instalacións, e sobre todo, pola obra coa que se traballa, que é de luxo. Aquí me tedes coa última obra restaurada, un San Antonio Abad, que en Galicia chamámoslle popularmente San Mauro, e que como santo dos animais ven moi ben acompañado por un porquiño. Se queredes ver a noticia completa premede aquí.

ESPIDO

2008-01-04T22:42:00.000+01:00

Tan sinxelo como este corpo espido. Así comeza o ano Ardoiz. Entre minimalista e realista, a policromía pasa desapercibida para deixar un oco ás formas e a perspectiva. Todo o corpo está en escorzo hacia nós, dende a man que se alonxa ata o pé que se agocha. Un corpo tan clásico como o de Rubens pero cunha estética máis próxima á contemporánea. Un abuso das luces sobre as sombras deixa como protagonistas as manchas de sombra natural que deixa o corpo sobre o chan. Moi logrado e dedicado, noraboa.

DÍA A DIA... UVA A UVA

2007-12-31T17:10:00.001+01:00

Unha noite tan especial como a de hoxe, comeza moi cedo e remata ao amencer. Temos a moitos aos que saudar e felicitar o ano. Temos a moitos aos que vemos só nesta noite. Temos a moitos a quen bicar e cos que bailar. Que estas intencións non queden na noite e permanezan nos 365 días seguintes. FELIZ ANO 2008¡¡¡

PASAMENTO DE XAIME QUESADA

2007-12-31T17:05:00.000+01:00

O artista ourensán Xaime Quesada Porto morreu este domingo aos 70 anos de idade. O pintor, gravador e escenógrafo, gañador da Medalla Castelao de 2004, morreu na súa casa de Ourense despois dunha longa enfermidade.Aos dezanove anos entrara a estudar na Escola Superior de Belas Artes de San Fernando, onde integrou o grupo O Volter, inspirado por Vicente Risco e Ramón Otero Pedraio, xunto a Acisclo Manzano e José Luis de Dios. A súa obra atópase espallada por museos de todo o mundo, entre eles o do Pobo Galego, en Santiago de Compostela. O creador, coñecido artísticamente como Quessada, era unha das figuras máis salientábeis das artes plásticas galegas do século XX. Xa perdera un fillo, tamén pintor, Xaime Quesada Blanco, que finou en xuño de 2006 aos 30 anos.Os restos de Quesada foron enterrados hoxe luns ás catro e media da tarde no cemiterio de Señorín, no Carballiño.

¡A túa obra rememorará a túa aportación a Galiza,... ata sempre Quessada!

FRUTAS DE CORES

2007-12-29T11:54:00.000+01:00

A nosa máis xoven pintora, Yaiza, comezou nos obradoiros infantís coñecendo as cores, as formas, os materiais..., sempre dende unha esfera de cambio e de experimentación que non deixase tempo ao aburrimento. Os rapaces son de probar, xa que unha actividade moi elaborada déixaos perder o interese pola finalidade que se consigue: a pintura en sí. Neste caso, Yaiza elabora xa, entre os adultos, as súas primeiras creacións, onde a paciencia (que non ten moita) e o exercicio do ollo (que olvida por momentos), son avisos constantes nas clases. Seguramente que co resultado desta última pintura a intención da seguinte obra plantéxase doutro modo.

SOMBREIROS SEN CHAPEU

2007-12-28T18:41:00.000+01:00

Os nosos amigos de Tanxarina presentan un novo espectáculo de sombras chinesas que non vos podedes perder. “Sombreiros sen Chapeu” é un espectáculo onde a silueta negra é a protagonista, a luz é o espazo escénico e a música a narradora das accións. Non hai palabras, sustituidas nesta ocasión por unha sutil manipulación dos personaxes que a través de oito pequenos relatos contan historias para o divertimento e contemplación do ollo do espectador.
Veremos a “Charlot” convertido en improvisado patinador “grazas” as trasnadas do seu inseparable can; tamén un mago chinés coa sua troupe de coellos, excelentes equilibristas; un camiñante que atopa unha sorprendente pedra , un concerto con final calamitoso…e moitos máis personaxes.
Un espectáculo onde os titiriteiros de TANXARINA transformados en sombreiros sen chapeu presentan unha montaxe en branco e negro chea de novas ideas elaboradas en sombras chinesas e desenvoltas no seu taller de construción, manipulación e ensaios.

ISABEL GUERRA: A MONXA PINTORA

2007-12-22T23:30:00.000+01:00

“Yo era una niña rebelde que rechazaba a los maestros. Quería hacerme mi propia escuela. Y no estoy arrepentida”
Isabel Guerra é a monxa pintora que, dende a súa clausura no mosteiro cisterciense de Santa Lucía, Zaragoza, chega cada dous ou tres anos a Madrid para expoñer os seus cadros: cheo asegurado, venda total. As súas vocacións son paralelas dende a adolescencia: foi unha nena rebelde que quixo pintar e amar a Deus, autodidacta. Non creades que a vida monástica apartouna das preocupacións terrenas: convencida de que este mundo non pode gustarlle a ninguén, a súa obra contén unha mensaxe de esperanza: a beleza é posible, non todo está perdido.

A TORRE, O VENTO, LOLA E MÁIS EU

2007-12-22T12:36:00.000+01:00

Recentemente fun de visita pola cidade da Coruña. Duas exposicións nesa cidade: a de Picasso e a de Man Ray, facían preciso achegarse por alí. Non poidemos resistir o paseo polas inmediacións da Torre de Hércules, e ainda que coincidira un día do máis desapacible, disfrutamos moito coas vistas e coa contemplación dese monumento histórico romano que esperemos sexa nombrado próximamente Patrimonio da Humanidade. Sen dúbida a que disfrutou máis foi Lola que non deixou de subir e baixar rampas e de andar levada polo forte vento que facía (unha proba é o meu peinado). Ainda tedes tempo de visitar esas mostras, vale a pena. Un saúdo.

BO NADAL ARTISTAS¡

2007-12-22T12:24:00.000+01:00

Maxia do Nadal

¡qué ven Nóel!

un home vello

con un tonel.
Un pucho trae

máis branca barba

que lle conxunta

con un bó traxe.
O vello é forte

coma un carballo

tira do carro

coma un cabalo.
¡A durmir, nenos!

que nos escapa

se non durmides

non deixa nada.

O MUSEO DO MAR

2007-12-21T21:18:00.000+01:00

Cinco anos logo da súa inauguración, o Museo do Mar de Galicia volve ter unha nova oportunidade para converterse nunha institución de referencia para a cultura marítima galega. O próximo 21 de decembro, o museo vigués abrirá definitivamente as súas portas cunha exposición permanente para os visitantes.
O camiño ata esta nova etapa foi longo e tortuoso, xa que hai que remontarse ao ano 1992 para situar o inicio da historia do museo. Foi entón cando os arquitectos Aldo Rossi e César Portela recibiron o encargo da Consellería de Cultura.
As obras comezaron ao ano seguinte na parroquia viguesa de Alcabre, no mesmo emprazamento que ata uns anos antes ocupara o matadoiro municipal. A aparición dun castro obrigou a paralizar as obras mentres os arqueólogos facían o seu traballo.
A morte do arquitecto Aldo Rossi e a quebra da empresa encargada de realizar as obras retardaron tanto o proceso que en 1999 era máis acertado seguir falando de proxecto que de realidade algunha.
Ese mesmo ano, a Consellería de Cultura traspasou a titularidade do futuro centro ao Consorcio da Zona Franca de Vigo, que asumiu o proxecto na súa integridade, sendo César Portela o arquitecto encargado de dirixir a obra.
No ano 2002 concluíron as obras e abríronse as portas para acoller unha exposición conmemorativa do tricentenario da Batalla de Rande. Foi o momento de gloria do museo, que sería visitado por miles de persoas durante varios meses.
Durante os tres seguintes anos, o Museo do Mar converteuse nunha gran sala de exposicións, centro de conferencias, e ata de desfiles de moda, pero nin rastro da exposición permanente ideada por unha comisión científica.
Aínda por riba de males, o edificio mostrou as súas deficientes condicións físicas como espazo museístico, polo que a comezos do 2006 foi pechado para realizar importantes obras estruturais. César Portela volveu facerse cargo do traballo para converter o edificio nun espazo museístico.
A finais do 2006, a Consellería de Cultura e o Consorcio da Zona Franca de Vigo asinaron un convenio polo cal a titularidade do museo volverá á Xunta, aínda que o ente estatal seguirá financiándoo ata o 2010. Desde entón, La Voz de Galicia desvelou que o edificio carecía de calquera tipo de licenza, algo que se está solucionando na actualidade.
A partir do próximo venres, o Museo do Mar de Galicia contará cunha nova oportunidade para converterse en algo con futuro.

GUTIÉRREZ SOLANA NAS COLECCIÓNS MAPFRE

2007-12-15T12:18:00.001+01:00

No edificio Sarmiento do Museo de Pontevedra será exhibida a obra de Gutiérrez Solana nas coleccións MAPFRE do 25 de outubro ó 16 de decembro. Esta mostra estará complementada cun ciclo de conferencias relativo á figura do artista que se celebrará entre o 20 e o 23 de novembro.
José Gutiérrez Solana (Madrid, 1886-1945) é continuador dunha estética da España negra que a comezos do século XX tivo a Regoyos e a Zuloaga como os seus mellores representantes. A súa conecta coa tradición expresionista e anticlásica da pintura barroca española e, sobre todo, co Goya das Pinturas negras, de quen procede a súa paleta cromática de negros, ocres e pardos. Os asuntos relacionados coa morte, os ritos relixiosos, a resta dos touros, os bailes de pobo e as escenas de suburbio urbano constituíron o seu repertorio temático favorito.

MULLER CON GARABATA

2007-12-15T11:04:00.000+01:00

Modigliani foi un artista cun grande atractivo polos seus retratos. Esos ollos misteriosos, esas facianas sempre recoñecibles e esa pintura abocetada e rápida que facía presaxiar unha personalidade atormentada e desordeada. A súa pintura sempre foi atractiva e de interese para min. Unha alumna como Ángela decidiu copiar unha das súas obras, un dos numerosos retratos de muller enfundada nun uniforme de home. Foi rápida a súa execución pero non por iso menos laboriosa, xa que a pincelada imprecisa sempre presenta máis dificultada, sobretodo cando se trata de copiar a un maestro como este artista italiano afincado en París. Os intereses da alumna van modificándose e xirando ao redor da historia da arte contemporánea que ten o seu inicio nesta primeira obra, xerme das avangardas.

A FLOR

2007-12-15T10:10:00.001+01:00

Foi unha sorpresa a intención desta pintura, xa que Andrea, cun só lenzo feito no obradoiro pretendía iniciar unha representación non só difícil polas súas dimensións, senón tamén complexa polo seu motivo. O traballo foi intenso. Desenrolou como nunca o fundido dunha gama de tonalidades moi concreta de verdes e amarelos. E sobretodo aprendeu a dominar o pincel e a pincelada dunha forma limpa e plana que fai preciso o continuo retoque e corrección de erros. Ainda así, con paciencia e tesón logrou rematala fai uns días e será, sen dúbida, un excelente agasallo de nadal para a súa nai. Esperamos que lle guste.

A PRIMEIRA PAISAXE

2007-12-15T10:02:00.001+01:00

Na primeira obra de Ángela no obradoiro de arte Ronsel, escolleuse un tema paisaxístico que se alonxa parcialmente da visión tradicional máis figurativa. Configurouse coma un exercicio onde a alumna tivera o seu primeiro contacto coas cores e a mancha, deixando de lado o motivo. Ainda que éste era de importancia para ela, acabou sendo algo secundario, dada a importancia da mestura dos únicos primarios na súa paleta, e de aplicación desta materia no lenzo. Sempre son difíciles os comezos pero o interés foi grande e ainda que o remate se fixo esperado, finalizou con éxito.

XARRÓN CON FLORES

2007-11-30T22:06:00.000+01:00

Foi a súa primeira pintura ao óleo, e ainda que o modelo elixido era do máis tradicional, tanto no tema como no estilo, a autora non dubidou. Quero dicir que de tódolos alumnos, e entre eles contemplo aos adultos, Andrea García Gondar exemplifica ao discípulo máis desexado e aventaxado do obradoiro. Presenta un interese e unha tranquilidade inusuais nos seus 14 anos, para os tempos que corren. Non despreza as indicacións e as asume con acerto. A súa paciencia e discorrer na tarefa da pintura deixa paso a esta primeira obra que non ten nada que ver coa dunha principiante. As tonalidades tostadas do fondo dan paso ás luces amarelas e rosas pálidas que teñen como transición ese marco verde de follas. Comeza eiquí un traballo coa cor e as fusións de luces e sombras que pronto terá superado na súa segunda obra, a punto de rematar. As miñas felicitacións Andrea, segue así.

DESPREOCUPADO MÁIS NON INDIFERENTE

2007-11-23T18:37:00.000+01:00

Con motivo do Festival PhotoGalicia, impulsado pola Fundación Caixa Galicia, preséntase agora unha ocasión única para coñecer de preto o traballo do artista estadounidense Man Ray, nunha mostra que nos achega ó seu frutífero legado, composto por fotografías, pinturas, filmes, colaxes, deseño publicitario, etc. Man Ray. Despreocupado máis non indiferente é o título desta fascinante exposición que chega á Sede da Fundación Caixa Galicia da Coruña e que poderemos ver ata o 6 de xaneiro.

OURO VERMELLO

2007-11-23T18:26:00.000+01:00

Entre un encargo e un experimento. Así afrontou Ardoiz, a nosa compañeira do obradoiro de arte, a realización deste lenzo de dimensións considerables. O concepto foi xurdindo na realización, improvisando formas e tonalidades, dentro dunha cor definida, o vermello. Máis luminoso ou máis escuro, mantivo o cromatismo engadindo amarelos e maxentas. E como protagonista o ouro, un ouro compactado en follas que precisaban a aplicación dun fixativo para a súa unión á pintura. Un elemento diferente que aporta ó lenzo a máis brilante das orixinalidades.

S/T

2007-11-23T18:16:00.000+01:00

Ainda que xa pasaron días e que os meus parabéns xa llos din en persoa, quería mostrar a obra dun amigo e compañeiro artista que foi galardoado coa mención de honra no certame galego de creadores novos GZCREA 2007, a nivel galego: Pablo Rodríguez Barreiro. Na mostra dos premiados o pasado día 8 de novembro encontrei caras coñecidas e percorrín os quefaceres dos nosos creadores máis xóvenes. Entre as obras houbo moitas interesantes, tanto de instalación, escultura e pintura, moitas que me levaría para casa. Quedeime cos nomes e entre pinchos e viño, pasamos unhas horas estupendas. Mágoa que tiveramos que volver a Ourense a durmir. Felicidades Pablo, seguirémoste a pista...

CAPACITARTE

2007-11-19T12:45:00.000+01:00

A Obra Social de Caja España convoca o Premio CapacitARTE, dirixido a xóvenes artistas galegos, para a creación de esculturas que teñan como lema ou expresión o de "Las personas con discapacidad".
O obxectivo desta convocatoria é favorecer a reflexión na sociedade sobre o mundo da discapacidade; unha reflexión que inicia o seu camiño da man da escultura urbana e de rúa, para xerar conciencia social sobre a realidade das persoas con discapacidade.
Desta maneira, CapacitARTE ten o propósito de procurar unha percepción da discapacidade desde o punto de vista da arte escultórica que propicie e conciencie aos cidadáns para continuar aportando solucións.

CASIÑAS DE COR

2007-11-19T12:33:00.000+01:00

Esta paisaxe, ainda que xa comezou fóra do obradoiro rematouse nel para modificar e resaltar esas cores e formas, cunha estructura sinxela. A progresión de planos paisaxísticos ven dada polas diferenzas de cor que contrastan cos azuis e blancos dun ceo case cuberto. Sara Besada Torres sigue cunha paleta cromática moi similar as súas anteriores obras e que traballa máis polo miudo no aspecto da pincelada das árbores e a espátula dos campos.

PREMIADOS NO II CERTAME XUVENIL DE PINTURA

2007-10-27T20:39:00.000+02:00

O pasado sábado 27 de outubro, tivo lugar o II CERTAME XUVENIL DE PINTURA AO AIRE LIBRE, para rapaces de entre 4 e 18 anos. A participación foi semellante á do ano pasado, cun total de 11 participantes. Todos eles, ás 10 da mañá, selaron os soportes sobre os que ían pintar ao longo do día, no centro de ensino RONSEL. As 17 horas desa mesma tarde, foron achegándose por dito centro para entrega-las obras realizadas. Houbo moita variedade, ainda que predominaron os debuxos sobre papel, con diversas técnicas, como o collage, as ceras duras, as ceras brandas e ata os lápices acuarelables. No caso das pinturas feitas sobre lenzo, a súa totalidade foron levadas a cabo con pintura acrílica, de rápido secado, e moi apropiada para a pintura rápida, que era eso no que consistía o certame.
Os rapaces elixiron libremente as praias, o tema escollido para este ano. A máis visitada foi a praia de Portonovo, logo a de Paxariñas, Canelas, Caneliñas e Pragueira. Algúns dos participantes pintaron a praia en toda a súa totalidade, e outros escolleron motivos máis concretos como as rochas, a auga, a area…, que por certo, houbo quen a trouxo pegada á obra como un elemento máis da pintura.
Despois de recibir tódalas obras, produciuse a deliberación do xurado, entre os que se encontraba un representante da Asociación Xuvenil Saraiba do Mar, promotora do certame; un representante do Concello de Sanxenxo, outro de Ronsel e unha mestra de Educación infantil.
Dúas horas máis tarde, estaban xa os participantes inquedos por coñecer os gañadores, e non perdendo vista de tódalas obras expostas. Os premios consistían en lotes de material de debuxo e pintura, tres por categoría, dependendo das idades. Houbo dous premios desertos: o segundo e o terceiro da categoría de 14 a 18 anos, polo que a organización decidiu repartirlos entre os restantes rapaces que quedaron sen premio, para que todos se foran cun sorriso para casa. Os premiados foron os seguintes:
1º Categoría de 4 a 8 anos:
1º premio: SARA GARCÍA NÚÑEZ 2º premio: IRIA DOMÍNGUEZ FERNÁNDEZ-GES 3º premio: ROCÍO MATILLA NÚÑEZ 2º Categoría de 9 a 13 anos:
1º premio: YAIZA AGUÍN GARCÍA 2º premio: CARMEN MÉNDEZ MUÑIZ3º premio: MARÍA GAGO MUÑIZ3º Categoría de 14 a 18 anos:
1º premio: ANDREA GARCÍA GONDAR

UN RESPIRO. UN MANDALA

2007-10-26T18:25:00.000+02:00

Para relaxarse e aumentar a concentración pódense facer moitas cousas. Unha delas é, en silencio ou con unha música de fondo suave, pintar un mandala. Mandala significa círculo ou centro. Arredor dun punto central definido e estático sucédense formas e mostras.
Os mandalas son un método de curación para a alma, son a fusión do corpo, o espíritu e a alma. Axúdante a descubrir a túa propia creatividade. Vencerá a rutina e o estrés máis doadamente. Todo é probar, preme aquí.

IMAN MALEKI

2007-10-26T18:06:00.000+02:00

Onte, Moly chamoume para informarme da existencia dunha páxina en internet, dun pintor descoñecido por nós cunha obra interesante: Iman Maleki. Este artista, nado en 1976 en Teherán, fascinado polo mundo da pintura dende moi neno, comezou recibindo clases dunha pintora de obra realista, tamén iraniana: Morteza Katouzian. Dende o ano 2000 adícase a dar clases de pintura dende os valores máis tradicionais e clásicos, como ben se pode apreciar na súa obra. Se miramos detenidamente á páxina web de Maleki, aparte de aprecia-la súa traxectoria profesional, podemos recorre-lo seu repertorio artístico con obras sorprendentes, onde os temas deixan paso ao protagonismo da pincelada e da confusión realista que aporta nas representacións.

PURO ARTE 2007

2007-10-20T12:30:00.000+02:00

A Feira de Arte Internacional PURO ARTE 2007 celebra a súa segunda edición este mes de outubro, tra-lo éxito de PURO ARTE 2006.
Un total de 51 galerías de Alemania, España, Francia, Israel, Italia e Portugal cítanse de novo en Vigo tra-lo éxito alcanzado na anterior convocatoria. Tal vez non toda a obra exposta sexa “puro arte”, pero ¿acaso en ARCO o é? Xa é hora de olvidarnos do gusto duns poucos e atrevernos a elixir por nós mesmos, non como inversión segura, senon como aposta persoal co deleite individual como meta. Pois si algo permite a situación caótica da arte actual é a libre elección. É o gusto persoal o que avala aos grandes coleccionistas de obra do século XX, atrevidos inversores que elixiron artistas pouco coñecidos. ¡Que atopen o que buscan!. Recinto ferial de Vigo IFEVI, do 18 ao 21 de outubro.

PICASSO. LABORATORIO DE ESTILOS

2007-10-17T16:16:00.000+02:00

A Fundación Pedro Barrié de la Maza distribúe nas súas sedes de Vigo e de A Coruña esta proposta para ofrecer unha "excepcional mirada ao ámbito máis persoal e íntimo" do artista. Así, na sede de Vigo exhibiranse dende este mércores, 17 de outubro, 32 traballos sobre naturezas mortas; mentres que en A Coruña, dende o día seguinte, o xoves, poderán contemplarse un total de 57 retratos femininos. Ambas as dúas mostras poderán visitarse ata o 3 de febreiro de 2008.

Esta destacada selección de pinturas e debuxos, procedente de colección privada e en boa parte inédita, preséntase en dúas exposicións "exclusivas" e arroupadas por actividades complementarias --talleres didácticos para escolares e familias, conferencias e publicación de catálogo-- que culminan a programación especial organizada pola Fundación Barrié con motivo de os seus 40 aniversario.

No apartado de conferencias, o 30 de outubro está programada para Vigo a conferencia 'Os retratos femininos na obra de Picasso', a cargo de Brigitte Leal, conservadora xefe do Museo Nacional de Arte Moderna do Centro G. Pompidou de París. A experta tamén ofrecerá os seus coñecementos ao día seguinte en A Coruña. "Picasso. Laboratorio de estilos", é o título da conferencia de pronunciará María Teresa Ocaña, asesora científica das exposicións, o 27 de novembro en A Coruña e ao día seguinte en Vigo. Por último, 'Del obxecto á arte: Picasso e a tradición do bodegón' será o tema central da intervención de Elizabeth Cowling, catedrática de Arte Europea do S. XX na Universidade de Edimburgo. Esta experta pechará o 12 e o 13 de decembro en Vigo e A Coruña, respectivamente, o ciclo de conferencias organizado en torno ás exposicións de Picasso.

II CERTAME XUVENIL DE PINTURA AO AIRE LIBRE: PRAIAS DE SANXENXO

2007-10-04T15:58:00.000+02:00

A Asociación Xuvenil SARAIBA DO MAR de Portonovo (concello de Sanxenxo), organiza este concurso coa intención de estimular con premios o cultivo das artes plásticas, concretamente a pintura. O Concello de Sanxenxo e Ronsel colaboran participando na organización do evento.
Neste segundo certame, os concursantes deberán levar adiante a representación dun motivo em particular: unha praia pertencente ao concello de Sanxenxo. As obras deberán realizarse obrigatoriamente no lugar onde se encontre a praia elixida para representar.
Cada participante será libre de escoller o seu emprazamento e a técnica ou procedemento pictórico, con unha total liberdade de materiais, formatos ou tendencias.
A data do certame será o día 27 de outubro. No caso de que as condicións metereolóxicas sexan adversas, posporase á seguinte semana.
Poderán participar neste certame tódolos xóvenes menores de 18 anos que o desexen e que pertenzan ó concello de Sanxenxo.
A inscripción é gratuita e poderá facerse:
►Por correo electrónico: saraibadomar@terra.com
►Por teléfono: 646 941 565
►Na dirección: estrada Adina, 25-baixo, Portonovo-Sanxenxo
De calquera maneira terá que formalizarse antes do día 20 de outubro.
Os premios repartiranse en tres categorías: de 4 a 8 anos, de 9 a 13 anos e de 14 a 18 anos. Os agasallos serán 9 lotes de material de debuxo e pintura, repartidos nas tres categorías.

PRESENTACIÓN LITERARIA

2007-09-29T16:47:00.000+02:00

Onte día 27 de Setembro, presentouse na galería Sargadelos de Lugo, o Diccionario Internacional de Arte e Literatura contempóranea 2007. O diccionario está dirixido polo artista e escritor Francisco Arroyo Ceballos, coordinado por José Manuel Nogueira Nogueira e editado por Aires de Córdoba.
A presentación correu a cargo do coordinador da publicación "marido da artista coruñesa María Xesús Díaz" José Manuel Nogueira, o artista do esmalte Miguel Caamaño, o pintor e escultor Miguel Torre e o escultor e director do museo da pedra de O Incio, Alvaro Pereiro. Asistiron ao acto distintos personaxes do mundo artístico e cultural.
Díxose que o diccionario veu a luz cun fin integrador, co obxectivo de unir culturas e procurando un apoio mutuo entre creadores. Pretendendo tamén ser un lazo de unión entre pobos, unha clara reseña cultural do momento en que vivimos. Na publicación aparece un grupo de creadores de diferentes nacionalidades e disciplinas: pintores, escultores, escritores etc.
O diccionario estase entregando gratuitamente en distintos centros de arte e museos de España e Sudamérica, co principal obxectivo de promocionar a arte e aos artistas.

NENIÑA DE COR

2007-09-29T12:55:00.000+02:00

Sendo unha das alumnas máis antigas dende o comezo do obradoiro de arte en Ronsel, Moly estivo sempre moi indecisa á hora de representar un retrato. Era case un medo por non ser capaz de identificar a faciana, a sicoloxía do personaxe que sempre é tan importante na figuración do retrato. E realmente comezou polo máis difícil, unha neniña de cor, coas súas luces e os seus contrastes, con ese pelo tan encrespado e revolucionado, con eses beizos e eses ollos penetrantes. Sen dúbida, unha das mellores obras da alumna. Felicidades de novo e ata pronto!, seguimos esperando verte por eiquí.

VIDRIERA DA PAISAXE

2007-09-29T12:47:00.000+02:00

As inclinacións que Teri ten ás cores máis vivas está outra vez patente nesta paisaxe do máis colorista. Foi unha práctica moi boa para que do maxenta, azul e amarelo poidera sair este abano cromático, moi semellante ás obras de Klee, ou relacionado co movemento fauvista onde a pintura saía directamente dos tubos de cor industrial, deixando de lado a elaboración na paleta. Impera a cor, sobre a temática, cun protagonismo elevado dos contrastes de amarelos, laranxas, verdes e azuis. Nada está deixado á improvisación xa que a pincelada de Teri é totalmente controlada, ainda que pareza que o trazo foi colocado sin pensar.

NA OUTRA BEIRA

2007-09-29T12:39:00.000+02:00

Ainda que o traballo que estemos a facer dea uns resultados do máis positivo, é preciso encamiñar a actividade hacia outras áreas descoñecidas ou nunca antes postas en práctica. Iso pensou Ardoiz que entre un amor e oido á pintura non figurativa, decidiu probar esa posible facilidade que pode ter o de improvisar sobre a marcha. O comezo foi a partir dunha fotografía real que inspiraba todo menos o que realmente se ve. Por iso, que cada un identifique esta pintura de branco-vermello como a súa intuición llo permita.

EL PASO. POÉTICA E INFORMALISMO

2007-09-20T20:49:00.000+02:00

Esta exposición reúne algunhas das obras máis significativas de Millares, Saura, Viola, Canogar y Martín Chirino, entre outros compoñentes do grupo El Paso. A mostra supón unha oportunidade para mirar un episodio único que marcou unha gran influencia nas xeracións posteriores, que souberon beber das fontes destos revolucionarios da arte do século pasado. Máis que dun movemento artístico trátase de toda unha revolución cultural. Os membros do grupo El Paso foron capaces de rematar co academicismo imperante na arte e incluso introduciron novas técnicas inexistentes na España de aqueles anos. Influenciados polo expresionismo abstracto que fora capaz de romper os moldes existentes, aplicaron o dripping ás súas obras, usaron soportes como as arpilleiras ou teas metálicas, emplearon area, pegaron obxectos ao lenzo e incluso o rasgaron, ademáis de utilizar o característico volume de pasta. Desta forma crearon un novo concepto del espazo pictórico. Ata o vindeiro 14 de outubro, na sala de exposiciones do Centro Cultural Caixanova de Pontevedra.

ENTRE PORTONOVO E OURENSE

2007-09-03T13:14:00.000+02:00

O Centro Técnico San Martín nace para alcanzar a solución ao problema de conservación do patrimonio galego e en especial o da provincia de Ourense, debido ao seu alarmante estado de degradación.
O Centro ten como obxectivo principal a correcta e minuciosa restauración do patrimonio e asegurar a calidade e rigurosidade das intervencións, contando cun equipo multidisciplinar, coordinado, que desenrola un incansable traballo de recuperación, conservación e formación, seguindo unha estricta metodoloxía de analise, identificación, coñecemento da obra, conservación, conservación preventiva e restauración científico-técnica.

OS PINCEIS... VENRES E SÁBADO

2007-09-03T11:00:00.000+02:00

Hoxe comeza un novo curso. Os alumnos de ensino poden xa adiantarse ás clases que iniciarán a próxima semana nos colexios de Educación Primaria (os da E.S.O. e Bacharelato darán comezo en outubro). Tamén os nenos e adultos que queiran voltar ás clases de arte, poderán facelo. Os obradoiros centraranse nos venres de 17:30 a 21:00 horas, e nos sábados de 10:00 a 13:30 horas. Non hai excusa, os pinceis están cargados e os lenzos esperan por todos vós.

COMEZA BEN O CURSO

2007-08-24T16:11:00.001+02:00

Un novo curso está a punto de comezar. Os preparativos escolares son unha pesada carga económica que pode afectar a moitas familias.

Dende o centro de ensino RONSEL, queremos facilitar a tódolos pais esta volta ao cole. Se eres estudante de calquera dos niveis de EDUCACIÓN PRIMARIA, tes a posibilidade de recibir CLASES PARTICULARES GRATUITAS durante todo o mes de SETEMBRO. Só tes que contactar con nós ANTES do 31 de AGOSTO, e poderás disfrutar desta axuda para tódolos cursos e materias.
Cada semana os alumnos interesados poderán asistir a unha clase de duas horas, da materia elixida. Impartidas por mestres titulados, as clases serán de grupos reducidos. A oferta estará vixente ata cubri-los grupos dispoñibles.
RONSEL dispón tamén de CLASES PARTICULARES de E.S.O. e Bacharelato, así como OBRADOIROS DE ARTE, con actividades de debuxo, pintura, collage, modelado e manualidades para os máis pequenos.

Así que, non o penses máis, e...
comeza ben o curso.

A ALDEA

2007-08-24T15:58:00.000+02:00

No obradoiro de Arte infantil, seguen a realizar obras de grandes artistas, neste caso galegos. Castelao foi o elixido por Yaiza Aguín, que puido representar paisaxes tan característicos deste polifacético artista e escritor galego que tanta obra nos deixou. Cada vez imos acadando máis destreza, e ainda que a técnica do óleo está por ensinar, cos acrílicos estamos xa a ter un manexo canda menos dominado. O que falta é un pouco de paciencia, ainda que obra a obra vai aparecendo: as prisas nunca foron boas.

RINCÓNS DE SANXENXO

2007-08-21T16:20:00.000+02:00

O venres pasado organizouse o II Concurso de Pintura ao Aire Libre "Rincóns de Sanxenxo". Unhas alumnas de Ronsel e máis eu decidimos presentarnos e as dez da mañá xa estábamos plantadas na praza de Bordóns, cuns ricóns elixidos e dispostas a pintar un lenzo ao óleo. Pola tarde, xa rematadas as pinturas presentámonos na praza do Concello, onde o resto dos artistas e mais nós mostramos o traballo realizado durante toda a xornada. O Centro Cultural e Deportivo de Sanxenxo, organizador do evento procedeu a entregar os premios aos galardonados. Máis información preme aquí.